Llagu La Baña - Monumentu Natural

A esti llagu d´orixen glaciar chégase al traviés d´una pista que lleva a una pizarreira, fasta eillí pue dise en cualesquier vehículu, sinón el paséu sedría de dous horinas ou más, dempués namás pasar la pizarreira hai que dir andandu cuesta enrriba durante media horina, nun confundáis una llagunina que hai enantias cunu llagu glaciar que tá más enrriba. Y cumu en tou llagu, nun faltan las lliendas. Una diz que s´orixinóu cumu castigu pur trabayar en día santu; outra rellata qu'ún pastor afogóu nel llagu las cabras del sou vecín y éstas le reclamaban-y cunos sous balidos, tirándose al llagu al nun poder resistir la súa continua chamada. que sigue ouyénduse nas ñuetes de Lluna chena.

La Baña, (Conceyu d´Encinéu)

LA BAÑA (995 m), capital pizarreira de Cabreira y ún de los pueblos cun mayor población. La organización del suelu ye propia de cabecera de valle y está influenciada pola proximidá de la montaña, qu´eiquí forma La Veiga, La Sienra, la Vega de San Fabián y la Vega de La Barriada. El barriu oriental ye La Llama. El barriu Cazaleyas tá entre las dous ilesias. Outros dous barrios, San Pedru y Penilla tán separaos pur l´arroyu Faeda; La Barriada ye outru pequeñu barriu situáu entre dous pontes. Tien dous ilesias: la de la parroquia, cuna bonita cúpula, d´estilu bizantinu, cun cimborriu. En 944 se creya en La Baña el monasterio de San Cosme y San Damián.Nesti pueblu tinía situáu antiguamente´l Gobernador de Cabreira un xuez.

Trabazos ( Conceyu d´Encinéu)

Na más garrar la carretera dende Quintaniella de Llousada direición pa La Baña dempués de pasar el cruce pa Castrufenoyu encontramonos cuna carretera a la dreicha que nos lleva fasta TRABAZOS (1.155 m), ún de los pueblos que más me chamóu l´atención y de recomendada visita. Esisten tres barrios bien diferenciaos: "Pico llugar" el más altu, "Fondo llugar" el más baixu, y en mediu, "La Canal" cuna ermita del Cristu; el sentíu de pertenencia a los barrios foi hestóricamente muy fuerte, teniendu cada ún el sou propiu baile y el sou "sereno" nas nueches d´avientu.

Pa saber más sobru esti llugar visitar el Blog de Trabazos.
http://trabazosdecabrera.blogspot.com


Eiquí vos deixu semeyas de la mía visitina a tan preciosu llugar a la vegada d´abandonáu.

Tocandu las campanas

Tocandu las campanas en "La Cuesta" , nel conceyu de Trueitas, paez que de eiquí salieron los meyores DJ´s de Techno y House.XD

Cabreira

En Direicción facia Cabreira dende Llión, gueyamos que´l paisaxe entama camudar l´aspeutu namás pasar La Bañeza, camín de Castrucontrigu topamos cunas comarcas de La Valduerna, el Xamuz y Valdeiría, Ya en Castrucontrigu, a las mesmas puertas de Senabria, garrámos el desvíu facia´l conceyu de Trueitas, subiendu’l ríu Eiría p´arriba entamas a entrar cun diferencia en una de las comarcas más prestosas de tou Llión.

Una vuelta pur la comarca Llionesa de Cabreira fina dándote la sensación de transitar pur una comarca desaniciada y escaecida de los presupuestos de la Xunta Castiellana de Valladolí. Si el restu de Llión y Zamora parez tar deixáu de la manu de dious, nin que dicir tien que La Cabreira pareza nun constar siquiera nos mapas de la red de carreteras del estáu.

Cabreira tá conformada polas subcomarcas Baixa y Alta Cabreira.
El ríu Eiría desarrollase pur Cabreira Alta, ye afluente del Órbigu y esti del Esla,las auguas del ríu Cabreira, se extienden pur los conceyos de la Baixa Cabreira fasta la sua confluencia cunel Sil y a sua vez esti cunel Miño. La Cabreira Baixa, tá integrada pur cuatru conceyos, (Encinéu, Ponte Domingu Florez, Castriellu de Cabreira y Benuza) , Cabreira Alta nun cuenta más que cun ún, el conceyu de Trueitas.

Hestóricamente conserva los meyores carriles romanos y canalizaciones. Pese al estáu de desaniciu, aún puen vese los meyores patrones de techumbres vexetales (teitos de escoba y paya ) de tou´l territoriu norte peninsular. Referente a la tema llingüísticu esiste´l dialeutu cabreirés, dialeutu de la Llingua Llionesa cun una alta regresión. Una de las presonas más relevantes d´ anguañu ye la profesora Mª Concepción Casado, escritora tamién del llibru “El Habla de La Cabrera Alta. Contribución al estudio del dialecto leonés”.

El pueblu más baixu de Cabreira Alta ye Quintaniella del Monte, anda pulos 1.100 metros.
El pueblu de Villarín, llega a los 1.300 metros de altitú. La capital del conceyu del mesmu nome, Trueitas, na parte más fonda del valle, cuenta esautu cun 1027 metros d’altitú. En cambiu na Cabreira Baixa llega a los 378 metros d’altitú na Ponte Domingu Flórez. Pur esu se fala d’un particular microclima na zona.

Las carreteras y cun eillas el transporte tardanun munchu más en chegar, ye pur eillu que los pueblos y aldeas cabreiresas yeran comunidaes pechadas, la cultura ancestral y l´arquiteutura popular aún ye conservada, peru qu´agora ye una población estadísticamente muy mayorina, y dientru de poucu solu quedará´l recuerdu,tantu de la xente cumu de lu que cun eillos se chevanun.

La principal fonte de riqueza cabreiresa siempre foi l´agricultura y la ganaderia, fasta bien entráu 1960 cuandu entama la estración de pizarra nos conceyos de Benuza y Ponte Domingu Florez. Güei, el negociu pizarreiru ye la principal fonte de riqueza pa Cabreira, los camiones que la transportan son los principales usuarios de las estrechas carreteras comarcales.